Tres recursos de Educaplay para traballar a igualdade na aula

Boas!

Despois de ter a nosa primeira experiencia de traballo na creación dun recurso a semana pasada, esta semana tocounos seguir con esta tarefa. Desta vez non se trataban de recursos audiovisuais, exclusivamente, senón calquer tipo de recurso que poideramos crear dende  a ferramenta de Educaplay. 

Aquí vos deixo os recursos que eu creei destinados, ao igual que todos os que levamos feitos, para o alumnado de 6º de Educación Primaria e traballando o desenvolvemento do valor da igualdade e o compromiso co noso idioma.

1. Que queres ser de maior? (SOPA DE LETRAS)

Dende que nacemos xa se comeza a programar o noso futuro, empezando por facer unha división do que se espera de nós segundo sexamos mulleres ou homes.

A linguaxe, como a representación da realidade que é, tamén reproduce estes estereotipos. Para rachar con isto, proponse esta sopa de letras que fala sobre as profesións laborais. Con esta actividade preténdese que o alumnado:

➩Distinga entre o xénero gramatical (masculino-feminino) e o social (home-muller).

➩Acabar coa presenza de roles de xénero.

➩Traballo no uso dunha linguaxe non-sexista.

2. Nin de homes, nin de mulleres! (RELACIONAR)

Os estereotipos de xénero son aquelas crenzas sociais sobre como son ou como deben ser as mulleres e os homes, ao mesmo tempo que se establece o papel que deberán desenvolver na sociedade. Ademais  de ser unha das principais ferramentas do patriarcado para perpetuar a desigualdade, estando os estereotipos asociados aos homes máis valorados que os das mulleres, os cales contan con menor prestixio e valor social. Con esta actividade preténdese que o alumnado:

➩ Rache cos estereotipos sexistas.

➩Desenvolva valores como a igualdade, a empatía e a conciencia social.

3. Non estaban tolas. (ORDEAR LETRAS)

Un pobo que non coñece a súa historia din que estará condeado a repetila. Por iso con esta actividade queremos visibilizar a dúas mulleres, Maruxa e Coralia, quenes viviron a represión do Réxime Franquista.

Estas dúas irmás que saían polas rúas de Compostela vestidas e maquilladas dun xeito estrafalario, baixo a súa imaxe de loucura escondían un gran drama social. Proviñan dunha familia obreira, cun once fillos, tres deles membros destacados da CNT. Tralo estourido da Guerra Civil, os falanxistas comezaron a perseguir a toda persoa cuns ideais que poideran supor un "perigo para o novo Réxime", sendo os irmáns delas unhas destas persoas. Aí comezou o seu drama: facían rexistros da casa a altas horas da madrugada, espían as irmás na rúa para humillalas públicamente... Os malos tratos continuados foron a causa da loucura que sufriron. Finalmente os seus irmáns foron arrestrados ou asasinados e a persecución sobre elas rematou. Pero xa nada volvería ser como antes. Tiveron que deixar de traballar como costureiras debido que xa ninguén se atrebía a pedirlles un traballo, pasando así, unha gran miseria e só podendo vivir grazas a caridade dalgún dos seus veciños e veciñas.

Estas dúas mulleres nunca pasaron desapercibidas, non só pola súa chamativa roupa, senón tamén pola súa actitude: piropeaban aos mozos, algo que por suposto non se lle ocurría a ningunha outra muller... e chegando mesmo a flirtear cos estudantes. 

Son unhas das grandes representantes da represión dun tempo escuro na nosa terra.

Con esta actividade preténdese que o alumnado:

➩ Traballar a memoria histórica: as mulleres durante o franquismo.

Logo de facer estes recursos vou facer unha pequena reflexión sobre a ferramenta que empreguei. Educaplay é unha plataforma a na que poder crear distintos recursos dende videoquizs, crucigramas, ruletas de palabras... Eu en concreto botei man desta ferramenta para crear unha sopa de letras, un actvidade de relacionar e unha actividade que serve para responder a unha pregunta ordeando as letras.

Comezar dicindo que se trata dunha ferramaneta fácil de uso, moi intuítiva e que ademais conta con vídeo titorias que che serve de gran axuda indicándoche os pasos que debes seguir para crear o teu recurso.

Con todo atopeille grandes limitacións que enumerarei a continuación:

 Á hora de crear os recursos estes están tan suxeitos a unha plantilla que non che permite editar moito a túa creación, por exemplo na sopa de letras non me permitía poñerlle unha foto de fondo ou darlle colorido as pablaras. O mesmo me aconteceu coa actividade de relacionar, gustaríame que cada palabra poidera ir acompañada dunha imaxe. Lembremos que estes recursos están destinados a nenos e nenas de Educación Primaria, polo que é importante que ademais de educativos tamén sexan visuais e atractivos para o noso alumnado.

 Outra cousa que nos sería moi útil é que se poideran combinar distintas actividades das que ofrece, por exemplo: crear unha presentación e logo con ela a continuación facer un test sobre esta.

 Na actividade de contestar a preguntas ordeando as letras, a miña idea inicial era facer un recurso con 10 preguntas sobre 10 mulleres, mais logo atopeime coa limitación de que só podía facer unha pregunta. Estaría ben que permitira facer máis dunha soa pregunta na mesma actividade.

A apliación non permite que poidamos traballar máis dunha persoa ao mesmo tempo dende o mesmo correo e só permite crear como máximo 12 recursos dende esa conta.